jri7 hajr.. مدير المنتدى
الجنس : عدد المساهمات : 334 ٱڵنقٱطِ : 1011 السمعه : 5 تاريخ التسجيل : 09/08/2009
| موضوع: || ~ اذبح الرجــــــآل و لا تقطع سآلفتة .. الجمعة أغسطس 28, 2009 9:11 pm | |
| كشعب سعودي طبيعي نتميز بكل ماهو مميز وننفرد بكل ماهو فريد شي لانختلف عليه مهما كانت الدراسات والنظريات التي في الواقع لاتهمنا كثيرا
** سؤال بسيط :كم مره طحت في مكان عام ؟! :
الطيحه فالاماكن العامه انواع : زلقه بمويه على الارض وترزع على قفاك ويكون شكلك احلى لو انك لابس شماغ
تدوسين على عباتك وتجين على وجهك وفي روايه يدوس احد عليها من ورى والنتيجه خشتك والقاع في عناق مفاجئ
هذي مواقف يوميه وتصير كل يوم .. الطبيعي انك تسال الطايح لاقالك السالفه او شفته : عسى ماتعورت ؟! لكن لاننا شعب مميز فسؤالنا الاهم : عسى محد شافك !!
وحسب عدد المشاهدين او في روايه حسب ارتفاع صوت الضحك يكون الم الطيحه
بناء على ماسبق نفس الطيحه تختلف نتايجها باختلاف الموقف : ممكن تكون سليمه .. وممكن تعور .. وممكن تسبب شلل او عاهه مستديمه
الحل : ياتضحك معهم لاصرت تعرفهم ولا تترك المكان لهم ولا عاد تدخله الا متلطم او حبذا لو تنساه بالمره .
** * جربت تكون متحمس بسالفه ويرن جوال الشخص الي تكلمه ويرد ببساطه ماكانك تتكلم !!
هالموقف ممكن تكون نتايجه مقدور عليها لو كنت لحالك .. مثلا عتاب بسيط لاخلص من المكالمه او حتى اقرب مركى على خشته ويصير الموقف مُحتمل نوعا ما اما في حال وجود مشاهدين .. فالانتحار ممكن يكون احد الحلول للهرب من نتائج الموقف خصوصا اذا صار صوت الضحك قوم راعي الجوال من مكانه لانه ماعاد يسمع المتصل
وعدا عن السنوات الي بتنعاد فيها هالسالفه كاطرف موقف مر على البشريه , بيصير احد شروطك لقول سالفه صغييره جدا في المستقبل عدم وجود جوال لدى المستمع
ولانه مستبعد نوعا ما عدم وجود جوال لدى احد , فالسكوت غالبا بيصير صديق مخلص لك على الاقل مامنه ضرر
* مثلها او يشابهها لاصرت متحمس تسولف على الوالد ولا يطلع خبر عاجل فالتلفزيون فيرفع يده ناحيتك ويقول اص اص واليد الثانيه ترفع الصوت وفجأه كل اخوانك يفرون من المكان باسرع ماعندهم ويوصلك صوت تسدهم من الضحك عليك برى , لاتقدر تلحقهم ولا تقدر تسوي لابوك شي .
** هل ممكن نسميها ثقافة الشماته مثلا .. بشوي واقعيه الموقف غالبا يضحك لكن بشوي مثاليه المراعاه ماتضر احد
الاضرار الدائمه لهالمواقف تتراوح قوتها حسب بنية الشخص .. سنه .. مكانته .. نوع الشعب الشامت ومدى معرفته فيه
كل ماصار السن اصغر كل ماصار الضرر اكبر .. وكل ماكان الشامت اقرب كل ماكان الالم اكثر
** نقدر مانقول شماته .. نقول يدور الضحك مثلا ؟!
** طيب والذب . بعد دوارة ضحك ؟!
الاستهزاء بشي معين ولا بموقف يختلف عن الاستهزاء بشخص .. هنا ممكن تكون اقرب للؤم منها لسعة الصدر والوناسه .
مره سمعت مكالمة عزيمه مو على قهوه ولا عشا لا , كان يقول لايفوتك اليوم بالاستراحة عندهم فلان اليوم خل نطقطق عليه للفجر !!
اذا فلان يقواهم ولا مصيره بعد سنوات لمصح نفسي
بدون مبالغه الامر فعلا مؤذي .
نتيجته : اما يكون انسان منطوي معقد .. او من كبار العيارين ظاهريا مع مجموعه من الاثار لجروح قديمه تتفاوت فعمقها .. ولو يقول راحت او ماعادت تهم الا انه يحس بحرقة القهر على بعضها اوقات ناهيك عن الكره الغير مبرر لاحد لمتسبب ماعاد اصلا يذكر السالفه .
** ممكن نقول حب الاذى ولا فرد عضلات .. او يمكن هياط .. بس المشكله انه بوجود ضحايا مايفترض يكون للموضوع القبول الدارج .
واحد من اخواني يوم كان صغير كان يجي مستانس يقول اليوم طلعنا ولد فلان مدمّع , طيب ليه قال يستاهل هو ضعيّف !!
** على مقاعد الدراسه يكون لهاالمواقف مجال اوسع .. وللتحطيم النفسي اثر اكبر .. وللكره والعدوانيه منبت خصب , تثبت جذورها وبعد مايكبر يظهر لوجودها تأثير اوضح .. ومايعود فيه مجال لاصلاح الضرر او حتى الحد منه .
** من جانب ثاني .. نظرتنا لفقرات وراء الكواليس .. ولا شي ماشفتوه ولا غلطات المذيعين والمذيعات
ماهي نظرة بحث عن موقف فكاهي كثر ماهي نوع من التصيّد , والضحك من قلب على الي اخطأ مو على الخطأ
وحده لليوم تذكر اسم المذيع الي غلط فجنازة الملك فيصل الله يرحمه , كان يبكي وبدال مايقول الملك فيصل قال فيْشل
** برايي يحتاج الموضوع شوية تغيير .. تحسين نوعيه .. تخفيف حده .. إعادة نظر على الاقل !!
سـ / وشو رآيك بهـ الظآهره وحدثونآ عن مواقفكم .. سـ / حطوو اسأله من نفسكم وجآوبو عليهآ ..
ودمتم بخير ~ | |
|
برڛتيج طِعڛـﮧ عضو فعال
الجنس : عدد المساهمات : 58 ٱڵنقٱطِ : 112 السمعه : 1 تاريخ التسجيل : 28/08/2009
| موضوع: رد: || ~ اذبح الرجــــــآل و لا تقطع سآلفتة .. الإثنين أغسطس 31, 2009 2:00 pm | |
| هههههههههههههههههههههه
موضوع جميل
تقبل مرووري | |
|
تڴفينيے الذڴريے المدير عام
الجنس : عدد المساهمات : 165 ٱڵنقٱطِ : 603 السمعه : 2 تاريخ التسجيل : 31/08/2009
| موضوع: رد: || ~ اذبح الرجــــــآل و لا تقطع سآلفتة .. الثلاثاء سبتمبر 01, 2009 6:03 pm | |
| ڛـ / ۈشۈ رآيگ بهـ ٱڵظآهره...؟
هذه ظاهرة غير حضارية .. وتدل على صغر عقل الشامت
س / حدثۈنآ عن مۈٱقفگم ...؟ في مۈٱقف گثيرة .. بڛ مٱٱذگر مۈقف في ٱڵۈقت ٱڵحٱضر
ڛـ / حطِۈۈ ٱڛأڵه من نفڛگم ۈجآۈبۈ عڵيهآ ..
مٱعندي
مڜگۈۈۈر خيۈۈ ع ٱڵمۈضۈع ٱڵرٱئع | |
|
الجوكر عضو
الجنس : عدد المساهمات : 8 ٱڵنقٱطِ : 29 السمعه : 0 تاريخ التسجيل : 29/08/2009
| موضوع: رد: || ~ اذبح الرجــــــآل و لا تقطع سآلفتة .. الخميس سبتمبر 10, 2009 11:28 pm | |
| | |
|
مجروح والهم طويني مشتهد
الجنس : عدد المساهمات : 209 ٱڵنقٱطِ : 277 السمعه : 0 تاريخ التسجيل : 22/09/2009 الموقع : ابها
| موضوع: رد: || ~ اذبح الرجــــــآل و لا تقطع سآلفتة .. الأربعاء سبتمبر 23, 2009 2:39 am | |
| موضوع خطير وهذا من قل العقول في المجتمع السعودي | |
|
jri7 hajr.. مدير المنتدى
الجنس : عدد المساهمات : 334 ٱڵنقٱطِ : 1011 السمعه : 5 تاريخ التسجيل : 09/08/2009
| موضوع: رد: || ~ اذبح الرجــــــآل و لا تقطع سآلفتة .. الخميس سبتمبر 24, 2009 4:12 am | |
| | |
|
jri7 hajr عضو فعال
الجنس : عدد المساهمات : 59 ٱڵنقٱطِ : 71 السمعه : 0 تاريخ التسجيل : 05/10/2009 الموقع : منتديات جريح هجر
| موضوع: رد: || ~ اذبح الرجــــــآل و لا تقطع سآلفتة .. الثلاثاء أكتوبر 06, 2009 7:07 am | |
| يسلمووو ع الموضوووع الجميل تقبل مروووري البسيط | |
|
jri7 hajr.. مدير المنتدى
الجنس : عدد المساهمات : 334 ٱڵنقٱطِ : 1011 السمعه : 5 تاريخ التسجيل : 09/08/2009
| موضوع: رد: || ~ اذبح الرجــــــآل و لا تقطع سآلفتة .. الثلاثاء أكتوبر 06, 2009 9:56 am | |
| | |
|