الجنس : عدد المساهمات : 82 ٱڵنقٱطِ : 95 السمعه : 2 تاريخ التسجيل : 20/10/2009
موضوع: يوم اني حسيتـ بألابوهـ الثلاثاء أكتوبر 20, 2009 8:07 pm
السلام عليكم ورحمه الله
مساكم الله بالخير
اليوم الصبح طلعت من المقهى مستانس بروح البيت واحط رويسي وانام دخلت برجلي اليمنى << يمديكم بالله سلمت على الاهل اللي قالبين الصاله مستشفى كلها ادويه و كمدات خخخخخخخخ قلت لاباس وعافيه اجر ان شاءالله بروح انام يوم ولعت المكيف وقام يهفهف علي من هالبراد الزين و افك ثويبي واطيح على السرير والا ينفتح الباب من الوالده : قم حنا اخوك يبي يودينا المستشفى وانت اقعد هنيا مع الورعان ولاتنام الا لي نامو ايالليل النشبه يااني شفتهم بغيت اسطحهم من السطح
الحين يوم يبوني امسكهم مكتوب على جبهتي مربي اطفال ؟!
واطردهم بالحوش يلعبون وافك النت انا لكن البلا يوم نام واحد منهم وبقت معي الورعه قلت يابنت نامي قالت ودني البقاله قلت بالليل قالت مابي مابي مابي ودني البقاله الحين وانام واخذها ونلفلف بذا الموتر ويالله حصلنا بقاله مفتوحه وتقضي وتصكني 16 ريال وتطلع ردينا البيت ويوم كلت وشبعت يابنت نامي يالله انتي شاطره تسمعين الكلام قالت : ماني موب نايمه لين ماتجي امي قلت : امك مطوله يمكن ماتجي اليوم < يبيها تنام قالت : كل تبن موب نايمه شغل لي التلفزيون
بعد نص ساعه نامت ولا بقى احد منهم قاعد وقعدت اتفقد احوال الرعيه والا اناظر نظارتي لاعبين فيها لعب مدخلينها بالسطل حق الكماد حسبي الله عليكم من بزراين
وهذي الالعاب يوم يلعبون يمديكم على البراءه يلعبون بالمكنسه مدري شنو ذي امحق طفوله والله
وبعد مده وانا على النت اتصلوا اهلي قالوا والله حنا نتأخر وفيه كائنه حيه نايمه بالغرفه سو لها حليب ملعقتين من الحليب اللي فوق الطاوله و ماء حار ميه ومدري كم وعطها اياه
وهذي صوره من مهاوشتي مع الحليب وانا اسويه
خليتها تقضبه وهي نايمه مالي خلق امسك شي خخخخخخخخخخخ
يوم شبعت وشربت الحليب جاها الشيطان قال لها قومي وتقوم وابلش بها ماتبي تنام ابد وصارت تزعج النايمين
وهذي حالتي معها لين الساعه 2 الظهر وجو اهلي نطلتها عليهم وحلفت اني ماعاد امسك لهم ورعانهم يوم كئيب و يوم مشؤوم و تجربه صدز انها غبيه
اتمنى حسيتوا لو بنص معاناتي اليوم
هع هع هع ممنوع النقل ..<< من حلاه موضوعك
للامنه منقول هع هع
مجروح والهم طويني مشتهد
الجنس : عدد المساهمات : 209 ٱڵنقٱطِ : 277 السمعه : 0 تاريخ التسجيل : 22/09/2009 الموقع : ابها
موضوع: رد: يوم اني حسيتـ بألابوهـ الثلاثاء أكتوبر 27, 2009 8:50 am
موضوع: يوم اني حسيتـ بألابوهـ 
الثلاثاء أكتوبر 20, 2009 8:07 pm
